العودة   منتديات المصطبة > الأقسام العامة > منتدى المواضيع العامة

منتدى المواضيع العامة أهم المواضيع والقضايا العامة التى تشغل الرأى وتهدف إلى نشر الفائدة للجميع


1 
محمد احمد بركة

السلام عليكم
وحشتونى يا غلالليس هههههههههههه

من زمان مكتبتش ولا اخدت رأيكم

المهم حصلى موقف امبارح كدا حبيت احكيه معاكم

انا زى ما الاغلبية عارفة انى من البحيرة يعنى مرحلة تانية فى الانتخابات

انا ماسك رئيس لجنة اعلامية فى برلمان شباب البحيرة
عاملين حملة اسمها حملة التوعية السياسية والانتخابية ( اختار صح ) دى بنفهم الناس يعنى اية انتخاب وصوتك مهم لية وانهم يتجاهلوا القبلية بقى والرشاوى وكدا وطبعا مستقلين مش دعاية لآى حد دى خدمة لله والوطن
المهم المجموعة اللى معنا قاعدين فى الشارع بيطلعوا بطقات انتخابية وبيعرفوا الناس مقار اللجان وكدا وكل واحد مكلف بدور جة راجل كبير ربنا يديلة طولة العمر ازيكم يا ولادى لو سمحتوا عايز اعرف هنتخب فين معنا واحد اسمة دكتور عادل قالة ثانية يا والدى اتفضل ارتاح فى ثوانى دخل ع الاب جابلة اسمة ومقر اللجنة وجاب قرايبة كمان الرجل مشى مبسوط اوى
رجع تانى بعد شوية للدكتور عادل قالة معلش عايز اعرف مقر الشاب دا علشان فى الغل وجيرانا وكدا
قالة ماشى اسمة اية
قالة حسن سعد الدين محمد منصور

الدكتور كتب الاسم مظهرش
مرة واتين مظهرش حاجة
قالة يا حاج طيب هات رقم البطاقة واجيبهولك على طول ممكن الاسم يكون فية غلطة
قالة مش معايا
بس حاول بس
يا حاج والله مفيش
يابانى بس حاول انا لسة هرجع
المهم الحاج مشى خطوتين كدا ورجع تانى
قالة ايوة يا ابنى افتكرت اكتب جنب اسمة كدا وشهرتة البرنس علشان هما فى الشارع بيقولولة كدا ههههههههههههه
المهم دكتور عادل يقولة يا حاج لا مينفعش دا الاسم بالظبط مفيش دلع
قولة يا ابنى بس شوف
يا حاج وربنا مينفع

يا ابنى انتا هتفهم احسن من الكمبيوتر انا سمعت ان الكمبيوتر بيجيب كل حاجة
واتحولنا وقتها من حملة توعية سياسية لحملة توعية انترنتية هههههههه

الموقف بقدر خفة دمة وبساطة جدنا الكبير الا انة لمس فينا حتة الامية اللى عايشين فيها

حبيت ادردش معاكم شوية واحكى الموقف ويارب مكونش تقلت عليكم



واللى هيدخل يستظرف زى ندى ولا ريهام ولا رفوان ولا حاجة وام لسان طويل مها هيشوفوا اية اللى هيحصل يعنى اللى يرد يرد بأدب
ويلا سلام



4 
ثائر الا ربع

ههههههههههههههههههههههههه



شكراً عالموضوع والناس الكبيره دى هما
بركة الدنيا زى ما بيقولوا وربنا يوفقكوا
فى توعية الناس لاختيار الافضل لتمثيل مصر وشعبها



Powered by vBulletin® Copyright ©2000 - 2017, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.